香港警察鐵漢形象深入民心，不過案件愈查愈多，個人隨時變成查案機器。警隊一姐、助理警務處長（資訊系統）施關綺蘿都有呢種經歷，佢噚日喺平機會「無定型新人類」師友活動上，同一班中學生分享呢段心路歷程。
Madam七三年加入警隊做督察，之後有份參與調查紙盒藏屍案，佢話當年陪死者家人入殮房認屍，返到屋企喊咗一場。事隔二十幾年，Madam破案無數，見盡大場面。九六年一單倫常兇殺案，兇案現場極之恐怖，一個媽媽點火燒死自己對仔女，重攔住房門唔畀小朋友逃生；但Madam返到屋企都冇流過一滴眼淚。佢慨歎話入行咁多年，個人係愈來愈專業，但就好似變成冇乜感覺，實在可惜。
（圖）施關綺蘿（黑裙者）同學生分享佢喺警隊三十幾年嘅心路歷程。陳亮華攝
傳真︰2623-9278
電郵︰