噚日中華廚藝學院特別鑊氣騰騰，有班學員煮嘢煮到氣來氣喘咁，原來佢哋考緊一個叫做「一試兩證」嘅廚藝考試，即係考試及格之後，就會同時得到中華廚藝學院同埋內地全國通行嘅中級技能中式烹調師職業資格證書嘅兩個專業資格。學院首席教導員崔永賢話，家陣香港中菜食肆好等人用，之前考試及格嘅八十幾個學員，全部都有工做。
啱啱考完試嘅二十三歲女學員吳慧蓉話，好有信心及格，重想第時要做個出色嘅點心師傅。佢以前做過樓面，接觸咗廚房工作後覺得好有興趣，所以走嚟學廚。開頭佢阿媽好唔贊成，後來連伯母啲朋友都讚個女煮得好食，就支持佢繼續學。
（圖）要通過廚藝考試，學員要響三小時內煮六樣餸，其中一味係「咖喱燜雞」。
傳真︰2623-9278
電郵︰