中大呢輪就用英語教學鬧到滿園風雨。八方早前喺酒會碰到中大政治行政學講座教授關信基，都唔記得問佢點睇，後嚟先聽聞關教授為此喺一次校內場合忍唔住老淚縱橫。唔知係咪劉遵義校長收到風，後嚟親自去同關教授解畫先擺平，可見校長嘅政令如何舉足輕重，實不宜輕舉妄動。
關教授喺中大廣受同學歡迎，地位崇高，連老董都禮賢下士。可惜忠言逆耳，所以教授同八方講，佢同政府再冇瓜葛，乜嘢都做完。
香港人最近猛講邊個做特首，關信基覺得好可悲，因為大家都覺得特首係由中央欽定嘅，但係可能中央心中未有人選。而目前嘅政局就得一個「悶」字，好似溫水煮青蛙一樣，悶吓悶吓真係人都死。
八方問教授有何妙計破解？關信基話睇怕都好難有政治萬金油，除非建立到一個機制，可將不同利益化解融合，否則難矣。
（圖）關信基（左）承認冇萬應萬靈嘅方法解決政治爭拗。
傳真︰2623-9278
電郵︰