林嘉欣和鄭伊健在新片《後備甜心》中分別扮演胡兵和陳文媛的後備情人，但二人最後卻因機緣巧合發展成情侶。林嘉欣的愛情觀是不會當別人的後備情人，她更認為愛情冇輸贏之分，要愛一個人就一定要付出。
林嘉欣和鄭伊健在新片《後備甜心》中再扮演情侶，林嘉欣在戲中是胡兵的後備情人，而伊健則是陳文媛的後備情人，二人均在餐廳工作，最初大家像貼錯門神般，林嘉欣對扮演廚師的伊健有很大成見，認為他是一個對女人不好的壞男人，於是便將所有不滿都發洩在伊健身上，餐廳老闆曾志偉見狀，便一手撮合二人，伊健和林嘉欣不但冰釋前嫌，還成為一對真正的情侶。
問到現實生活林嘉欣可願當後備情人，她即耍手擰頭說：「一定唔會，我嘅愛情觀好理智。」但嘉欣不敢相信，現實中竟然有人可以這樣，嘉欣說：「我身邊真係有啲咁嘅朋友，佢哋竟然甘心做人哋嘅後備情人，其實佢哋嘅心態好亂，有時係鬥氣、有時係唔甘心，想有日可以做主角。」
林嘉欣首次跟胡兵合作，劇情需要她情挑對方，但林嘉欣並不感到尷尬，她說：「我要扮後備情人嘅角色，梗係要風騷一啲，唔係點可以留住一個風流成性嘅男人！」
拍完這套電影後，嘉欣更表示建立到更多愛情的想法，她說：「我覺得愛情唔係一場遊戲，冇得分輸贏，只不過自己係咪心甘情願去愛一個人，為人哋付出咁多，唔一定要攞番同等嘅回報，感情係冇得分輕重。」
