美國兩小時內售罄！<br>玩具潮舖KidrobotNikeAirMaxI

美國兩小時內售罄！
玩具潮舖KidrobotNikeAirMaxI

一直以來，炒賣特別版波鞋都係亞洲地區的專利，美國方面較少理會，而eBay上波鞋商人亦都係大多數為日本、台灣及香港而設，似乎美國人的波鞋是用來着的，懶理你是甚麼特別版。但近年，炒波鞋的風氣傳到美國，不少特別版波鞋大量湧現，但要數近期最受注目的，可算是玩具潮舖Kidrobot與Nike推出的特別版AirMaxI，除擺放於高級時裝店Barneys內發售外，更於兩小時內售罄，可見美國人對炒賣波鞋有幾狂熱！

記者：李崗華
攝影：林栢鈞

美國最強玩具潮舖Kidrobot！

於香港相信大部份人都未知道Kidrobot係乜來頭，Kidrobot其實係一間開設於美國紐約的玩具潮舖，舖內專售各地當紅玩具，當中包括有Bape、MichaelLau等，Kidrobot亦會間中推出自家玩具，於紐約市內的名氣極高。今次與Nike合作推出AirMaxI，最大特色並非可見於鞋身，而係出現於鞋墊上，Kidrobot特意找來五位Artist設計鞋墊圖案，當中有GaryBaseman、Dalek、DavidHorvath、HuckGee及FrankKozik，但一對鞋只附上一款鞋墊，更要睇你運氣，抽中邊款絕對睇彩數。

■除鞋墊外，隨鞋更會附送KidrobotLogo鎖匙扣一個，但人人有份，毋須睇彩數。

DetailsCheck！
■鞋踭上印有Kidrobot的Logo。

■每款鞋墊會以密封包裝，買鞋時方會知道抽中哪一款鞋墊。

■原裝鞋墊亦印有Kidrobot的Logo。

■呢位仁兄腳踏的AirMaxI亦係Kidrobot的同期出品，但只供自己友，屬非賣品。

■美國發售當日，足足有超過200名鞋癡於Barneys外排隊，當中大部份都係老外，並非以往的亞洲人排隊黨。

低調鞋王！全球限量24對Phli×NikeAirMax90

單睇呢對AirMax90用色普通，以為係一般新推出復刻新色，但殊不知原來是全球限量24對的特別版，真係凡事不能單睇外表。合作單位名為Phli，Phli是位於美國芝加哥的一家潮流波鞋舖，專售特別版波鞋，今次與Nike合作推出特別版NikeAirMax90只送不賣，雖然香港亦有一對到港，但依然係非賣品，絕對有錢都買唔到。

■Phli×NikeAirMax90（非賣品）

DetailsCheck！
■雖然用色普通，但鞋一睇鞋踭的PhliLogo就知係特別版。

美國波鞋潮誌Metro.Pop
大玩NikeAirMax180ID

就連波鞋雜誌都踩界推出特別版波鞋，可想而知美國對特別版波鞋有幾渴求。但Metro.Pop今次的合作版有別於一般特別版波鞋，以Nike經典跑鞋AirMax180作藍本，推出ID系列，買家可隨自已喜愛配襯AirMax180的顏色，夠晒互動。此外更找來4位Artist，推出特別色及限量版Tee，但由於製作IDAirMax180需時兩個月，所以暫時到港只有為今次推出的限量版Tee。