利嘉兒對扮靚很有研究，尤其喜歡為十隻手指扮靚，更會在指甲鑲上小扣勾鑽飾。利嘉兒跟男友周國豐雖未有結婚計劃，但二人很有默契，她打算婚後亦做扮靚靚生意。
利嘉兒很愛在指甲上塗上指甲油和畫花，她有空便樂得為指甲扮靚，日前利嘉兒到中環Headquarters修甲，除了在指甲上畫上靚靚花圖案外，更要求美甲師在她的指甲鑲上小扣，準備購入不同的小鑽飾，令指甲閃閃生輝。
利嘉兒早前被拍得與異性消遣，問她事後可有向男友周國豐交代，利嘉兒說：「嗰個男仔係我識咗好耐嘅朋友，佢出年都結婚，況且嗰晚本來男友都出嚟，後來佢話攰先唔嚟，基本上我同男友嘅交往好坦白，大家都認識對方嘅朋友。」
問利嘉兒可有跟周國豐談過結婚大計，她說：「都有傾過，但冇咁快，我希望將來婚後可以做扮靚嘅生意，我都好有興趣做美甲生意，好想有時間去進修有關課程。」
此外，利嘉兒笑言拍拖初期有一次她美甲時，接到男友周國豐來電，但無暇接聽電話，所以現在周國豐明白女友美甲最少要花上幾小時，這段期間，他一定不敢致電打擾。
利嘉兒說：「𠵱家我每次美甲完，佢拖我時都會好留意，重會畀意見話靚唔靚㖭，我都好開心。」
採訪：比華利
攝影：林德雄
修甲：JacquelineYeung（Headquarters）
