鄭中基（Ronald）與舊情人楊千嬅前晚出席公司春茗，二人同聲表示碰面不尷尬，對早前有指千嬅生日當晚，因杜汶澤踢爆鄭中基與蔡卓妍相戀，令千嬅痛哭一事，Ronald十分關心，並表示原諒杜汶澤。
金牌娛樂前晚在尖沙嘴舉行春茗晚宴，筵開十四圍，黃柏高旗下藝人都有出席，包括鄭中基與舊情人楊千嬅及前緋聞女友林嘉欣，古巨基與新緋聞女友Stephy及其他Cookies成員，還有蜜運中的方力申、蘇永康及梁漢文等，鄭東漢、俞琤、谷德昭、及無綫高層何麗全等亦有出席。現場還有不少圍觀市民及外籍遊客向藝人索取簽名。
千嬅接受訪問時，剛好Ronald到場，二人未有打招呼，不過Ronald事後卻表示大家已在酒樓內碰面，未感尷尬，他說：「冇尷尬，我都有見到佢，有傾兩句，咪大家話飲杯囉。」早前有傳Ronald與新女友蔡卓妍到日本旅行過年，他說：「唔答，總之冇去日本。我新年喺屋企陪嫲嫲及奶媽，父母喺美國過年囉。」
至於有傳杜汶澤出賣Ronald，在千嬅面前大數他的不是，又踢爆他和蔡卓妍相戀，弄得千嬅在生日會上大哭，Ronald說：「唔係，冇，杜汶澤有打畀我，佢講咗個版本話我知，我原諒咗佢啦，佢話自己飲大兩杯亂講嘢，同埋講我壞話囉，算啦，由佢啦，我都原諒咗佢。」
至於千嬅大哭，Ronald關心地問：「我真係唔知乜事，佢真係喊咩？佢有喊呀？」千嬅接受訪問時，亦表示與Ronald同場絕不尷尬，她說：「實見到佢啦，不過呢度好多人，重有好多artist，最尷尬係入錯男廁。」問她會否祝前男友元宵節快樂，千嬅謂：「咁又做戲得滯，唔使啦，識咗咁多年。」千嬅又謂會向Ronald父親鄭東漢打招呼𢭃利是，她又透露已往相睇達三次之多，但都無甚特別。
至於古巨基就與新緋聞女友Stephy同場，問到有關Stephy的問題，基仔都說：「講過晒啦，我哋見到都唔會尷尬，點會呢？」方力申則表示不重視情人節，問到在明天生日的他有沒有收到女友鍾欣桐的禮物，方力申說：「唔知，我𠵱家只收到兩份歌迷嘅禮物，生日會通常係公司搞。」
採訪：馮美茵
攝影：陳慧安
