周嘉玲前晚在中環主持OnPedder皮鞋及手袋騷，好友楊其龍及AmandaStrang等均有捧場。周嘉玲早前惹大肚疑雲，昨日她穿上一身黑衣，身形看來頗為苗條。
周嘉玲說：「我婚前一定唔會大肚，決定咗年尾結婚，會喺外國教堂行禮，到時會有一百個好友飛去參加，不過全部自掏銀包畀錢咋。」
那麼周嘉玲會否邀請前男友出席婚禮？她即說：「梗係唔會啦，你唔好見我鬼妹，呢啲嘢我冇咁西化㗎！」她表示屆時會穿婚紗及旗袍，並會配合未婚夫國籍行印度儀式，但不會披印度嫁衣，她說：「我結婚前要請半個月假，之後去度蜜月，婚後都會好快生兒育女，不過生兩個就夠。」
楊其龍則透露中西情人節均無女友相伴，他謂現時最欣賞章子怡，他說：「我見過佢真人，靚到不得了，不過講明純粹欣賞，冇諗住追求。」
採訪：顏英儀
攝影：陳偉權