鄭嘉穎、陳敏之及陳松伶等昨日在將軍澳電視廣播城為無綫新劇《飛短留長父子兵》試造型，眾藝員均以新髮型亮相，來配合以髮型師為題材的新劇。
鄭嘉穎在劇中扮演髮型師，日前他專誠到髮廊學習理髮技巧，他說：「個髮型師搵咗佢嘅助手畀我試，我同佢個助手講未試過幫人剪過頭髮，淨係剪過狗毛，嚇到佢面都青埋！」提到髮型師JackyMa的剪恥毛事件時，鄭嘉穎說：「JackyMa剪嗰啲我邊敢剪呀！」
陳敏之日前胃抽筋入院，她表示稍後會抽半天時間前往醫院作詳細檢查，她說：「𠵱家忙緊兩套劇，所以要遲啲先可以去照胃鏡，為咗呢套新劇，又要去駁髮，𠵱家頭上有好多駁口頂住，噚日瞓醒重覺得頭痛㖭！」
採訪：卓美娟
攝影：陳慧安
