將於下月舉行處男個唱的古巨基，近日勤於操弗自己，務求以最佳狀態演出，除練歌和排舞外，還要健身練氣，再配合營養餐單，結果基仔一周減了十磅，健身教練還大爆基仔手汗多，弄得健身器材濕淋淋。
古巨基最近積極綵排其下月在紅館舉行的「勁歌．金曲」演唱會，除了每天練歌和排舞外，他更到健身室找來星級教練、林珊珊男友Michael助他健身，隔天便會跑步舉重練大隻，可謂十分認真。
基仔只練習了約一星期，便由原來的一百四十八磅減到一百三十八磅，足足減掉十磅，他說：「我主要都係練吓氣，收線條、有少少肌肉咁啫，所以我隔日都會嚟健身室，每次做個半鐘啦，之前係重有少少babyfat，𠵱家個個都話我瘦咗好多。」基仔自言勤於健身並不是想做「筋肉人」，只是為練氣，他說：「到時演唱會我唔會刻意騷畀人睇，要睇番啲衫嘅設計，主要係靚就得喇！」
除了運動外，教練還叮囑基仔要有均衡的飲食，有很多他愛的美食也暫時要戒掉，基仔說：「我以前乜都鍾意食，𠵱家就唔得，太鹹、太甜都唔食得，只可以食清啲嘅嘢，好似麥皮、麥包咁，肉方面都可以食白切雞，但要走皮。我好鍾意食嘢，最多演唱會後再食過。其實我細個時乜都食，好似肥仔咁，𠵱家就好似個運動健將咁。不過因為跳舞要好多體力，營養師話我減磅過度，最好增肥番幾磅，所以我都開始正常咁食番嘢。」
不過，基仔做運動時，就算多認真都會令人啼笑皆非，教練還踢爆基仔因手汗太多，連器械都沾滿汗水，而每次練習後，基仔亦堅持返家才沖涼，基仔說：「我手汗真係好多，做完運動後重多，試過喺跑步機跑完後，機上面有水迹，教練話重未見過學生咁樣，佢重要一邊教我，一邊帶住毛巾喺身。」
採訪、攝影：王連連
場地提供：黃埔海逸酒店FitnessCentre
