琦琦、樂基兒、李嘉慧和陳嘉容等昨日在尖沙嘴出席時裝騷，琦琦透露已兌現夫婿任達華給她的無銀碼支票，但她只填上九千九百九十九元，因心痛夫婿捱夜辛苦賺錢，不捨得亂花錢。
美國時裝品牌DKNY昨日在尖沙嘴舉行○五年春夏時裝表演，由名模樂基兒、陳嘉容、李嘉慧等行騷。DKNY今季以紐約的都巿氣息、自由奔放個人主義為靈感，更將美國地下鐵的花磚作pattern，配合碎花、條子等永恒元素。
剪裁以年輕、中性為主，一派不拘小節的風格。布料除舒適的棉質、牛仔布外，還有亮麗satin、喱士等，搶眼配飾則有翠綠皮袋及繡花圖案手挽袋。
琦琦、Rosemary和新人紀嘉莉等均有來捧場，琦琦透露已兌現早前夫婿任達華送贈的無銀碼支票，她說：「我填咗九千九百九十九蚊，長長久久好意頭！」問琦琦為何不多填銀碼當私己？她說：「老公做嘢好辛苦，成日捱夜拍戲，喺郊外俾蚊咬，我使佢錢都心痛。呢啲係情趣，𠱁我開心，冇所謂啦！」
剛為人母的琦琦透露身材升Cup，她說：「以前ACup着衫靚啲，𠵱家太大唔好睇，我已經開始減肥大計，老公噚日陪我去沙灘跑步。」琦琦又透露現時女兒重達十二磅，問她可會響應政務司司長曾蔭權日前呼籲港人積極生育，生夠三個？她說：「我助養咗十一個小朋友，已經過晒要求數目㗎喇，所以都係暫時收工先。」
採訪：JessicaNgan 攝影：MatthewLam
