農曆年前夕，冷槍三響，震撼整個愛民邨，街坊們為免招惹麻煩都不敢多言。一名全身「拉靶酷」，腳踏紅色NIKE的浮誇大漢，帶着幾個日本朋友到那裏的大牌檔吃飯，大聲推介大牌檔美食外，還高談闊論槍殺案，令旁人側目。
這名潮界怒漢原來是男藝人「猩猩舞王子」的頭馬「紅鞋比利」，江湖傳聞他今年將有大動作。出身於愛民邨的比利，中學畢業後跟隨同邨兄弟入電影圈，初時只擔任燈光雜務小跑腿角色，幾年後卻搖身一變成藝人經理人，雖然旗下藝人只屬二、三線級數。據潮流江湖人士說：「比利以食腦見稱，早幾年流行搪膠玩具，好多人想搞但唔知點做，佢就度出一條龍服務，由上大陸親自物色貨辦，搞埋批文，依照手續搵人經文錦渡運貨嚟香港，自己做埋拆貨，好有膽識。上年潮流興『創作達人』，佢又變身以『創作達人』自居，聽講佢隨身有幾張同日本設計師合照照片，證明自己同日本關係友好，有辦法同當地有勢力人士夾計搵食。今年佢就周圍同人講，已成功幫老細拉攏裏原宿兩大牌子『拉靶酷』同『咪奴』嚟港賣，重話傾掂尖沙嘴同銅鑼灣，自己做埋拆家，可以有效控制貨源。不過水貨界聽到就得啖笑，佢哋話以前APE來港都搞唔掂，呢次更加唔使理，相信到時潮界又隨時出現劍拔弩張情況。」
主持人：大食Jack
八卦熱報：[email protected]