煲呔叫大家生三個，重話啲港男唔靚仔。田少都支持要生多啲，但就唔多同意煲呔後面嗰句話。田少重潤煲呔：「佢自己有幾靚仔呀？」
田少噚日同記者茶敍，佢話問題唔單止係港人生仔少，重要係個個後生仔都唔肯結婚！有商界朋友好擔心同佢講個女三十歲都未拍拖，好彩佢自己嗰兩個仔女都已經結晒婚啦！不過佢強調，自由黨唔會做婚姻介紹所，幫啲未婚商界配對，佢淨係諗點物色新血入黨選區議員。
田少話，啲人唔生仔、唔結婚好多時候因為工作太忙，加埋啲女士眼角太高，又要搵個老公叻過佢、賺錢多過佢、養埋佢，呢啲問題真係要研究。
傳真︰2623-9278
電郵︰