吳文忻今年年尾將與拍拖五年、從事金融業的男友Kim拉埋天窗，不過日前她在將軍澳接受本報訪問時，卻透露自己患上婚前恐懼症。
吳文忻說：「揀今年結婚係因為感情穩定，唔想再揀啦，尋尋覓覓咁耐，都係時候踏入人生另一個階段。我同男朋友識咗十一年，雖然大家識咗咁耐，但兩個人相處有好多學問，一齊生活係講緊成世嘅事，要互相學習、體諒，唔容易㗎，所以我都有少少婚前恐懼。」
現時吳文忻已開始籌備婚禮事宜，希望婚禮當日一次過完成教堂行禮及婚宴，她說：「𠵱家搵緊場地同教堂，重要計人數，婚紗未搵，戒指又未買，重要整請帖、影婚紗相，同開始減肥做美白，真係好多嘢做。」
採訪：朱倬誼攝影：陳慧安
服裝：Kookai