有中國巴伐洛堤之稱嘅男高音魏松最近應香港藝術節邀請，嚟香港表演，財爺唐唐噚晚唔只帶埋一家大細嚟捧場，重掏荷包買咗成百張飛請班同事睇，實行有福同享，聽講好多局長、常秘、副常秘同首席助理常秘等等都在唐唐邀請名單。八方見到李國章、馬時亨、葉澍堃、林瑞麟同周一嶽都畀面出席，重帶埋太座嚟㖭。
唐太同八方講，老公呢排埋頭苦幹寫財政預算案，噚晚專登抽啲時間鬆一鬆；而唐唐就話自己一向好鍾意呢位男高音，只係苦無機會現場睇佢表演。至於點解今次咁大手筆請同事聽歌，佢就笑笑口話：「支持藝術節嘛。」
唐唐今次使少少錢，既可以推動文化藝術，又可以同班同事搞好關係，真係一舉兩得，唔知對佢日後競逐第三任特首有冇幫助，呢樣嘢，煲呔就有排學。
任志剛及許仕仁兩個老友噚晚都有出現，佢哋話唔係唐唐請，任總自己買飛，老許係藝術節副主席，屬主人家身份。
傳真︰2623-9278
電郵︰
