名模Rosemary前晚在派對中被舊愛Gordan大爆她跟新歡已於日前分手，Rosemary甚為憤怒，找Gordan理論。Rosemary認為Gordan此舉是想引起記者注意，更不諱言希望對方從此在她生命中消失。
名模Rosemary與舊愛Gordan、周立璟及名模女友AnaR.和薛芷倫等，前晚在中環出席香檳派對。Gordan和Rosemary前後腳到場，Gordan表示情人節獨自在家中玩電腦，但其舊愛Rosemary當晚卻被發現與新歡把酒談心，Gordan談到對方的新戀情時，竟突然爆料說：「佢哋周六分咗手，全部人都知！」
問Gordan可會重新追求Rosemary？他說：「我享受𠵱家嘅生活，我哋永遠係好朋友。」當Rosemary到場得知Gordan爆料後，即匆匆進場，據知Rosemary在場內質問Gordan，二人還為此事嗌交。
Rosemary昨日在中環出席皮具騷時，仍餘怒未消說：「佢冇權咁講，佢咁講係咪想引人注意？我同佢分手兩年，都冇講過佢同其他女仔啲嘢。我哋以前一齊都有好回憶，但之後佢好傷害我，分手都係佢同傳媒講，佢呢個錯係唔可以接受。」問Rosemary可會與Gordan絕交？她說：「等我清醒啲先處理呢件事，我喺派對搵朋友同佢講，叫佢唔好再喺我生命中出現，佢竟然話自己冇做錯，有啲嘢講一次就夠，我唔會再同佢講。」
問Rosemary昨日怎樣慶祝元宵佳節？她說：「我會去玩kickboxing發洩一吓。」問Rosemary跟男友的發展如何？她說：「好大壓力，唔好成日講，一段感情關係應該好私人。」
此外，名媛榮雪梅前晚亦有出席派對，她自爆其家人早前在上海遠足時被綁架，但現已沒事。
採訪：張俊銘、顏英儀
攝影：何國豪、陳偉權
