踏入雞年，煲呔一吹雞，全港九都講生仔，早前有報道話奧運跳水金牌得主郭晶晶有咗，嚇到立法會議員霍震霆見到記者就掉頭走，皆因佢個仔霍啟剛同晶晶走得好埋，唔通咁快開花結果？
八方噚日又喺中總春節酒會見到霍公子，佢已經輕鬆得多，八方問佢點睇李麗珊有咗BB，佢好開心咁話：「好彩係珊珊有咗，唔係晶晶。」𠵱家做老竇真係驚餐死。佢重揶揄王永平局長刀槍不入，點解上星期唔去立法會參加太極王比賽。
霍公子個細佬霍震寰係中總會長，做主人家梗係風騷啲，佢話自己生咗三個夠晒數，至於啲仔女就等佢哋自由發展，唔知佢哋會唔會聽煲呔講。
人大常委曾憲梓個仔曾智明就話，「生三個？得先好講」，不如叫司長生三個。
佢老婆黎瑞恩𠵱家正係懷緊第二胎。佢又話曾憲梓最近感親，所以都唔出嚟公開活動，咁又係，自從老江收山，曾憲梓都少咗謾罵人，靜晒嘞。
（圖）霍震霆（右）話王永平局長係太極高手，應該去立法會表演。
傳真︰2623-9278
電郵︰