政務司司長曾蔭權早前呼籲港人積極生育，名模LisaS.和李嘉慧昨日演出鞋履和手袋騷時均表示大有同感，LisaS.謂港人掛住搵錢少拍拖，要港女努力些，而李嘉慧則響應呼籲，婚後生三個子女。
意大利品牌a.testoni昨日在中環舉行○五年春夏配飾騷，由名模李嘉慧、LisaS.、吳嘉龍及Sho等任模特兒。男裝今季以殖民地時代的古巴作靈感，女裝系列則以鮮豔色彩配合典雅設計，帶出現代女性的多元身份及多面形象。
吳彥祖女友LisaS.透露男友在日本工作，問她如何度過中西情人節？她說：「我從來都唔慶祝情人節，因為呢個節日只係啲商人諗出嚟宣傳、推銷去賺錢，所以我會取消晒有關嘅情人節。」
提到香港現時男少女多，政務司司長曾蔭權更公開呼籲港人家庭生三名子女，LisaS.大有同感說：「香港真係一個好難搵對象嘅地方，香港人係好money-minded，唔去諗愛情，真係好遺憾。香港女仔搵partner真係要努力啲！」LisaS.又表示多溝通、多傾談及互相信任，才能令一段感情保持新鮮感。
李嘉慧則不特別覺得香港陰盛陽衰，她說：「我身邊好多單身男士，不過女仔多即係多選擇，咁男仔都會易花心㗎。」她亦願意響應曾司長「生三個」的言論，她說：「我都有三個兄弟姐妹，感情好好，若果將來經濟條件許可，我都想要三個仔女，咁熱鬧啲、開心啲！」
此外，長期獲a.testoni贊助的任達華亦有現身捧場，他透露早前家居裝修，要租倉存放鞋履，他說：「近排又多咗鞋，已經爆倉，加埋琦琦同BB女，我諗屋企有一千對鞋！」
採訪：JessicaNgan
攝影：RickyChan
