八方喺機管局新春酒會，見到主席馮國經。近日同馮主席最密切嘅新聞，當然係民建聯聲稱要傳召政經人士向民建聯人員閉門交心，更被左報定性形容為「閉門揀特首」，呢個禮拜六首場接受審查嘅嘉賓就係下屆特首大熱門馮國經。八方當然唔會放過機會問馮主席對出任下屆特首嘅興趣，點知佢話「完全冇興趣做○七年特首」。
咁呢個禮拜六傾乜嘢？佢話係傾香港同埋珠三角嘅經濟喎！呢個座談會叫做「對話未來」，以「每月一星」形式邀請政經猛人同民建聯交流心得。譚耀宗前日話「要傾下屆特首問題都係好平常嘅事」。睇嚟，馮主席要小心遭到班土共突襲抽秤喎。
（圖）馮國經話，會同民建聯傾香港同珠三角嘅經濟問題喎。
傳真︰2623-9278
電郵︰