中大醫學院前院長、有內窺鏡之父美譽嘅鍾尚志，喺沙士疫潮過後去咗巴布亞新畿內亞行醫，幫一間醫院搞外科發展，佢喺當地嘅動向，好多傳媒都好有興趣。八方聽聞，佢喺當地引進咗一啲內窺鏡儀器，發展內鏡手術，點知當地搶掠情況原來好嚴重，連喺醫院入面嘅內鏡儀器都俾人偷埋。八方唔明，啲人偷部儀器做乜？好彩，香港都有人幫手，為佢再引入同類儀器。
另外，城中最大型嘅馬拉松賽事喺星期日（二月二十七號）舉行，中大醫學院院長霍泰輝教授都有份參加，佢近期積極練跑，喺過去嗰幾年都有跑十公里，今年就挑戰超過二十公里嘅半馬拉松。佢今年嘅目標時間係兩個幾鐘完成，如果跑得好，唔排除遲啲會跑全馬㖭！八方喺度先祝佢成功。
傳真︰2623-9278
電郵︰