香港欖球總會預計，「七人欖球世界盃」會吸引更多人學欖球。但本港市面絕少欖球專門店，一班年輕欖球員就看中這個具潛力的市場，開設網上欖球店，並因生意額倍升，擬覓舖位開設專門店。
欖球總會助理經理梁勇傑說，七人欖球賽球員人數較一般的十五人少，每場只有十四分鐘，戰況極激烈；球員常有肢體碰撞，但「唔會專登撞人，英國人叫佢做GentlemenGame。」該會向學校推廣欖球，暑假更會辦小童及成人課程，收費約二百元。他表示，現有三十多隊成人男子欖球隊及十五隊女子隊，「七成係華人，唔係大隻外國人先啱玩。」
二十歲的基仔打欖球十多年，「以前無乜人打，但自從嗰套青春劇Y2K有講欖球，多咗好多人學。」去年初他與數名球友合資設網上店「香港運動培訓中心」，售賣Canterbury及自創品牌Swift等球衣、褲、護肩等，生意額更升逾數倍，「我哋計劃今年尾開舖頭。」
他解釋，欖球衣褲較厚，「因為成日扯嚟扯去。」但現採用較薄但堅韌的Dry-fit料，款式更新潮：「有三成顧客買嚟去街着。」球衣售二百多至八百多元；褲約百多元；牙膠、頭套及護肩等二十多至五百元。
本報記者