四、五個月前重係醫院管理局一分子嘅周一嶽，噚日以衞生福利及食物局局長嘅身份出席醫管局新春團拜。佢今年梗係唔只喺度行行企企啦，唔知幾受歡迎，個個嘉賓都埋去，同佢打聲招呼、拜吓年，搞到佢認真唔得閒。加上佢重要招呼八方班行家，企喺度講吓生仔，講吓人口老化，講吓禽流感，講講講講足十分鐘，搞到連糕點都唔得閒食。
周一嶽同醫管局高層噚日雖然都冇派利是，但係都有同各界人士拜年。佢哋話會送啲開心果畀市民，希望市民開心；至於在杏林工作嘅醫管局員工就食杏脯，希望員工齊心；甜甜酸酸嘅西梅就送畀合作多年嘅醫護機構，希望大家同心，甘苦與共咁話喎。
（圖）周一嶽（前右二）聯同一眾醫管局及政府衞生部門高層向市民拜年，祝大家幸幸福福。
韋志滿攝
傳真︰2623-9278
電郵︰