許志安前晚在觀塘為演唱會綵排，蘇永康緋聞女友、負責彈琴的黃丹儀亦在場，前晚正值黃丹儀生日，安仔送上朱古力蛋糕祝賀，安仔被要求吻賀黃丹儀，他即笑說：「好呀，怕乜？拖埋手都得啦。」擺明揶揄早前黃丹儀與蘇永康被拍得當街拖手。
安仔接受訪問時表示近日排舞致體力不勝負荷，日前綵排吊威吔部份時，一位舞蹈員更感動得哭起來。安仔又打算請李克勤、陳奕迅及陳慧琳一起同台鬥歌，而固定嘉賓則有葉德嫻及黃子華，安仔說：「我想班嘩鬼老友一齊嚟，之前喺屋企睇番以前演唱會啲片，睇九六年嗰次睇到我喊。」
黃丹儀則表示日前與男友及一班朋友吃飯慶祝生日，蘇永康亦傳了短訊祝賀她。問到生日願望是否遠離緋聞，黃丹儀說：「又唔係大件事，我冇所謂，希望八十歲嘅爸爸身體健康。」
採訪、攝影：楊潔雯