組合Boy'Z成員張致恆（Steven）位於北角的寓所前晚發生火警，他漏夜寄居李逸朗（Don）家中做廳長。昨日他與Don和蔣雅文返回寓所清理現場，弄得滿臉烏卒卒。
男子組合Boy'Z前晚到灣仔會展出席「英皇63年真有情」宴會期間，成員Steven位於北角宏安道的住所失火，Steven即中途離席趕返家中，原來其母未有完全吹熄放在廁所的香薰，以致留下火種焚毀廁所。
其後Steven折返駿景酒店出席公司派對，到埗後即被新舊拍檔關智斌（Kenny）、麥子豪和好友李逸朗等圍着慰問，Steven最後到Don位於渣華道的住所暫住，Kenny笑說：「我有叫佢去我屋企㗎，不過得張雙人床，要孖鋪瞓，佢唔制之嘛。」將轉換組合新拍檔的Steven只好自我安慰說：「火燒旺地，新一年好兆頭！」
到凌晨一時許，Steven與Don同乘保母車到北角一便利店，二人購買飲品與杯麵後即往Don家中，Don對Steven開玩笑說：「你今日要做廳長，你唔好搞到我間屋衰埋呀！」Steven說：「我暫時會喺Don屋企住兩、三日。間屋要重新裝修，好彩我今日着晒屋企最貴嘅衫同鞋出嚟，但屋企爆鹹水管，好多衫都唔要得，真係倒楣，之前間屋又水浸，𠵱家又被火燒。」
昨日中午，Steven約Don和蔣雅文（Mandy）到其家中進行清理，三人先在馬寶道一茶餐廳醫肚後，再到家居店購下共一百三十三元的地拖、掃把及垃圾袋等物，又到超級市場購買清潔劑，其間Mandy和Don搬出大袋窗簾布，事緣Steven家中失火殃及池魚，熏黑了鄰屋上海婆婆的窗簾布，故須替婆婆乾洗。三人清潔完畢，臉部和雙手都變黑，十分搞笑，三人更合力把電視機、結他及腳部按摩機搬到Don寓所。
採訪、攝影：娛樂突發組
