僱員跳槽後同公司有爭拗，好常見。噚日八方見到一張入稟狀，就係人稱大摩嘅摩根士丹利，佢哋嘅前任董事總經理兼亞洲股票研究主管汪佐澧（RobertThomasVaudry），入稟向大摩追討九七至○三年間任職時嘅認股權福利。佢喺舊年七月過檔滙豐，出任環球研究部主管；入稟狀話，佢因為想撬走大摩亞洲策略員韋立民（NormanVillamin），被指違反協議，所以取消之前嘅認股權。
Vaudry曾經係新聞人物，舊年一月曾經俾蛇匪潛入佢嘅山頂豪宅，意圖爆竊，幸好因狗吠聲驚醒兩名菲籍傭工，報警將匪徒擒獲，嗰位竊匪最後被判入獄三年七個月。
傳真︰2623-9278
電郵︰