名模陳嘉容（Eunis）早前與男友Ricky到澳洲親親大自然，抱樹熊、參觀剪羊毛，更大飽口福，狂吃美味海上鮮。Eunis表示五天悉尼之旅令她身心開懷，她說：「去澳洲工作試過好多次，首次投入去玩去旅行，我同Ricky都好興奮。見到啲樹熊郁都唔郁，好似公仔咁好可愛，又去咗農場睇剪綿羊毛、袋鼠母子咁，好得意！」她又到當地的魚巿場品嘗海鮮，增磅不少。
Eunis說：「平時喺香港好少食生冷嘢，今次試過有一餐食生蠔，一食就停唔到，我同Ricky每人各食咗兩打。」
Eunis續說：「重有去高級餐廳食龍蝦，侍應畀錯咗另一枱一碟四、五人份量嘅我哋，我哋食咗一陣，侍應先話搞錯咗，重將我哋食緊嗰碟畀番嗰枱客。」
採訪：DebbieLum