賭王何鴻燊睇好煲呔曾做下屆特首，但天主教香港教區主教陳日君就唔係咁認同，佢噚日出席香港義務工作議會成立典禮，一聽見煲呔有望做特首，就頻呼「大吉利是」。唔通煲呔曾呢個天主教教徒真係咁唔得主教歡心？
陳主教就補飛話，特首呢個位咁辛苦，又要平衡各方利益，又要平衡香港人同中央政府嘅觀點，真係好鬼難做，佢話香港有好多適合嘅人才，佢真係唔想煲呔曾咁辛苦啫。莫非主教懷疑煲呔曾一旦上位就會偏聽？
講開義工服務，陳主教都好鍾意做義工，平日就會帶小朋友、老人家去吓旅行，或者去探監。而義工議會主席李澤培就話，六成香港人都做過義工，顯示香港係個充滿關懷嘅社會。
（圖）專程來港主持香港義工工作議會成立嘅國際志工協會全球會長彬絲（左）頒發證書畀陳日君主教。
傳真︰2623-9278
電郵︰