流動式打印機，係好多DC廠商都想染指的商品，不過機形一直過大，始終好似唔係太紅得起！最近富士新公布了一部名為MP-70的流動式打印機，機度只如一張信用卡，僅重205g，真係細到可以放落衫袋！透過紅外線接駁手機打印相片，相片輸出約為2R（254dpiRGB），打印時間僅需20秒！對應打印影像最高為300萬像素（或900K），暫時知到對應手機機種包括我們成日用開嘅Nokia、SONYERICSSON及Siemens等，相信在香港使用亦冇問題。
至於DC用家方面，就需要一個IR-100的USB接駁器，只要能對應PictBridge技術的數碼相機，都可打印相片；使用2粒CR2鋰電池，就可以打印出130張相片，真係相當慳電！預計發售日期會在今年夏季，機價則暫時未定。
記者：朱崇德