內地「華語電影傳媒大獎」選出中國百大影星、百大導演和百大電影，並於下月二十日在廣州舉行頒獎禮。周潤發昨日對入圍一事回應說：「開心囉，覺得好榮幸，內地觀眾咁支持我，我好耐冇拍華語片，希望可以拍多啲好嘅製作畀內地觀眾睇。《赤壁之戰》我都有期望，希望到時可以同內地影迷見面。」
而大會打算邀請同樣入圍百大影星的周星馳頒獎兼向李小龍致敬，周星馳昨就此回應說：「入選真係愧不敢當啦！李小龍先係真嘅，我點可以同佢一齊比較，當然入圍係榮幸啦。至於話頒獎畀李小龍，我未收到大會嘅邀請，如果真係嘅話，我梗係要盡量抽時間出席啦。」
而入圍百大導演的關錦鵬昨在電話中回應說：「當然係開心事啦，自己拍嘅戲被人認同，重可以同自己尊敬嘅電影一齊入榜，我覺得好開心，有時間我會出席。」