英皇前晚舉行周年晚宴，賭王何鴻燊畀面出席，更在台上大談追女秘笈。而七月舉行個唱的徐小鳳表示沒想過演唱會場數可打破許冠傑紀錄，總之一切盡力而為。
英皇集團前晚在灣仔舉行六十三周年晚宴，老闆楊受成整晚如花蝴蝶般向賓客如劉鑾雄等敬酒，而Twins、梁洛施（Isabella）和北京一班英皇學員則上台表演助興。
徐小鳳除為了七月個唱而積極收身外，還準備推出新唱片，她說：「係有咁嘅打算，希望喺演唱會前推出。」談到個唱場數會否打破許冠傑（Sam）的紀錄，她說：「以前俾場數困擾，有好大壓力。阿Sam演唱會反應好好，但要打破就冇諗過，相信唔會啦，盡力而為。」
小鳳姐又大讚現今樂壇熱鬧，還謙稱要向所有歌手學習，她說：「佢哋好cute好有趣，好似Twins咁，容祖兒啲歌亦好好聽。」今次徐小鳳演唱會，英皇是主辦單位之一，問小鳳姐若加盟英皇，豈非會動搖祖兒的一姐地位？她說：「唔好咁講，我要學習佢哋嘅勤力，其實我先至係新人。」
但論整晚高潮乃是賭王何鴻燊上台表演棟篤笑，重提有關雞的不文笑話以及發表「雞的偉論」，又傳授追女秘笈，他說：「送禮物要好似我咁出手咁重，送雞咁大粒玉石，加句雞腸『Iloveyou』包你追到手。」
此外，記者告知Twins成員鍾欣桐（阿嬌），其男友方力申被人叫他除衫跑步時，阿嬌驚訝地說：「咁咪挑逗佢？」談到方力申即將生日，阿嬌表示屆時雖不在港，但會送禮物給他。而蔡卓妍（阿Sa）談到有傳杜汶澤踢爆她與鄭中基的戀情時說：「冇聽佢講過，人哋點講我控制唔到。」
採訪：李珮洳、駱華齡
攝影：陳偉權
