富士都真係好耐冇新DC發布，估唔到新正頭突然嚟一個大驚喜，公布推出一部推蓋式Slim機──FINEPIXZ1。
510萬像素、3倍光學變焦、2.5"大芒，驟眼睇好似冇驚喜；但如果話畀你知，佢使用上S3Pro最新第5代SuperCCDHR，同最先進嘅RP處理晶片組，所以可以在最高的ISO800的情況下，一樣可以FullSize影相（510萬像素），而且重有加強清晰度同降低訊噪功能，你話係咪好正！在生日會或者暗黑環境就最有用，以後鬆郁矇嘅相片，就再唔會出現！
另外鏡頭方面，佢亦好落本地使用FUJINON鏡頭（一般在中高檔機使用），而且2.5"顯示屏亦使用上低反光LCD，表面再加強化處理，據稱比以往舊款機的LCD有硬上35倍之多；須知如果壞LCD，維修費好可能值機價的一半（不過亦係最多人整壞）！預計FINEPIXZ1會在今年6月推出，售價約港幣$3,900，機價稍貴，不過值得期待。
記者：朱崇德