東亞銀行真係肥仔,管理層去年度薪酬,隨着業績增長水漲船高,八方睇該行嘅網上財務報表,發現○四年度董事酬金勁升百分之五十三,達四千三百一十八萬元,較前年度多出千五萬,酬金增幅較純利增幅百分之二十四,有過之而無不及。
其中東亞主席兼行政總裁李國寶,絕對唔會虧待自己,去年獲得酬金達二千四百萬至二千四百五十萬元,較○三年嘅一千七百至一千七百五十萬,升幅逾四成,寶哥哥嘅酬金,睇怕都喺銀行界中數一數二,係名副其實嘅打工皇帝。排第二高薪酬嘅兩名董事,酬金亦大升八成至九成,去到八百五十萬至九百萬元;唔知其他夥計有冇咁好景呢?
傳真︰2623-9278
電郵︰