譚小環昨日以新代言人身份在中環出席美容活動，她自爆小時候因毛髮多，曾被嘲笑「姐姐生鬚」，小學時更被封「林子祥」之名。而吳嘉龍在遊戲環節則一時口快，竟說自己「胸圍有毛」。
美容中心Bella旗下男士護膚中心昨日在中環開幕，代言人吳嘉龍與周汶錡、譚小環一同為新店剪綵。譚小環透露遺傳父親毛髮多，自幼已是「毛孩」。
小環說：「我真係好多毛，前額同上唇特別濃密，讀中四、中五時，試過有小朋友指住我話『姐姐生鬚』，真係好尷尬。小學時重成日俾同學仔笑我係『林子祥』，話我有兩撇鬚㖭！」
小環更指自己毛髮旺盛令她似男孩，毫無少女味，她說：「我啲毛生得好快，以前未做永久脫毛，試過拍通宵戲，真係日同夜都唔同樣，都幾嚇人㗎。」
而吳嘉龍與周汶錡、譚小環在現場玩「皮膚問題」遊戲，吳嘉龍直認自己「胸圍有毛」，令周汶錡及台下來賓忍俊不禁。吳嘉龍事後接受訪問說：「我中文唔好，我係講『胸嘅位置有毛』，真係對唔住喇！」他解釋時又講多錯多，他說：「我知『胸圍』即係女人底褲呀。」直到記者再作解釋，他才恍然大悟。
吳嘉龍又提到早前與章小蕙等出席柏林影展，他說：「我都好開心，因為啲德國人反應幾好，佢哋幾欣賞我嘅演出，我就最佩服章小蕙，可以咁凍都着咁少衫，好厲害！」
