剛喺去年底接任渣打（香港）行政總裁嘅蘇利民，今年喺本港度過咗首個農曆新年，入鄉隨俗，蘇總噚日夥同財務總監馮隆春會見傳媒時，亦大派紅底利是。記者問佢今年共派咗多少利是，佢笑笑口話足可推高銀行成本支出。據聞，為咗振奮士氣，春節期間，蘇利民亦有落區到個別分行向員工派利是。
本周日係渣打主辦每年一度嘅馬拉松，今年主持大局嘅蘇總表示，由於要擔任主禮人，加上又整親背部舊患，所以唔會落場跑。近年渣打馬拉松已成為地區盛事，由於今年參賽健兒太過踴躍，故鳴槍起跑嘅次數，亦由上年嘅三次增至四次。
（圖）渣打（香港）行政總裁蘇利民（左二）會見傳媒時，大派紅底利是。
傳真︰2623-9278
電郵︰