過新年，相信唔少家庭都會買本新版通勝看門口，無論係拜神動土、事無大小都可以拎出嚟擇個良辰吉日。香港唯一編纂曆法嘅「真步堂」第三代傳人、近年甚少公開露面嘅中國曆法專家蔡伯勵師傅，噚日就趁新春開壇，同千金蔡興華一齊教市民點樣擇日同睇通勝。講座座無虛席，幾百個位一早爆滿，唔少市民要喺演講廳出面睇直播。
今年八十六歲嘅蔡師傅即席根據天文曆法，預測吓香港百業嘅流年運程。蔡師傅話，今年五行欠水、火，商業競爭會趨白熱化，地產市道被拖慢，金融業未見活躍，整體嚟講，今年市道只算係平平穩穩。興之所至，蔡師傅重同大家介紹通勝嘅用途，通勝裏面除咗有曆法資料，重印唔少張天師符咒，本通勝用紅線釘裝，書背上有條掛繩，蔡師傅話，呢個設計係方便大家掛起本通勝，有辟邪嘅作用。
（圖）曆法學家蔡伯勵預測今年商界競爭會白熱化，地產市道會被拖慢，金融業同整體經濟唔係咁活躍。
傳真︰2623-9278
電郵︰