自從變性藝人河利秀上位之後，韓國唔少娛樂公司都好希望再捧啲由男變女嘅變性藝人出嚟刺激吓市道。有隊名為Lady嘅變性人組合，將會喺下月正式進軍韓國樂壇，佢哋由三位男變女嘅變性人組成，成員包括二十九歲嘅信愛、二十五歲嘅撒哈拉同二十二歲嘅比努，其中撒哈拉上年喺泰國變性人選美大賽入面重攞過第四名㖭。