民建聯近排動作多多，繼生吞泡沫黨後，又會約班特首候選人同佢哋啲黨員每個月密會面試，今個月打頭炮嘅就係機管局主席馮國經。但八方聽聞馮國經覺得俾民建聯整蠱，原本諗住同民建聯交流吓經驗，無啦啦變咗俾民建聯面試兼幫人博宣傳，所以決定唔去。
民建聯前主席曾鈺成就唔認係擺馮國經上枱，佢重反鬧啲傳媒穿鑿附會，因為佢哋個座談唔係選特首喎。曾鈺成又話，其實根本唔係見特首候選人，佢哋只係請啲人嚟講吓香港未來嘅發展，主題係「看見未來」，請馮國經係希望叫佢講講香港經濟。
如果得一兩家傳媒咁報，可能真係穿鑿附會，但差唔多間間傳媒都係咁講，篇幅最大嗰間重係叫做《大公報》，條題重寫埋「民建聯閉門選特首」。曾鈺成怪傳媒之餘，係咪更應該查找不足，睇吓民建聯裏面邊個亂咁放料？
傳真︰2623-9278
電郵︰