睇歌神真係接財神？
基仔中六合彩個唱再加場

繼新唱片大賣特賣後，古巨基首次個唱又因為門票迅速賣清，昨日宣布落實加開四月六日至八日三場，加上基仔近日在核對許冠傑在演唱會上送給他的六合彩券利是，發現中了五獎後，三喜臨門的基仔開心得大叫大跳。

古巨基近日可謂三喜臨門，新唱片推出兩星期已賣過七萬張，而他在下個月首次舉行的七場演唱會，門票亦因一早爆滿而決定在四月六日至八日再加開三場，有關門票將於本周三作信用卡優先訂票。

得三百二十元獎金
但這還不止，基仔在農曆年三十晚為許冠傑（Sam）演唱會擔任嘉賓時，曾向阿Sam拜年𢭃利是，並鬼馬地向阿Sam說：「睇歌神接財神，雞年行運行到你暈。」逗得阿Sam開心不已，更即時送一封附有六合彩券的利是給基仔。
事隔個多星期，基仔同事提醒他核對六合彩中獎號碼時，基仔才發現自己中獎，雖然這張六合彩只是中了四個號碼，僅獲得五獎的三百二十元獎金，但已令基仔興奮得大叫大跳！
基仔笑說：「好神奇呀，雖然中咗四個字屬五獎，但我咁大個仔都係第一次中六合彩咋，真係勁開心，我都話睇歌神接財神㗎啦，估唔到工作順利之餘，重有少許橫財命！不過，𠵱家最緊要都係做好演唱會排練嘅事，因為重有兩星期就到表演日，公司日前決定將四月份開partII，雖然自己真係好開心，但壓力亦好大，我一定要做到最好答謝歌迷。」

動用《雪狼湖》檔期
據知，基仔四月加開個唱的檔期，其實本是張學友舞台劇《雪狼湖》所有，《雪》劇主辦單位在四月份原定了二十多天的檔期，並有意舉行十多場，奈何因為反應未如理想，目前只暫定開六場而已。