「大班」鄭經翰上星期喺佢嘅山頂豪宅，夜宴民主派密斟政改。八方噚日撞到民主黨主席李永達，順便問吓佢，大班有冇請佢哋食翅，點知佢同八方呻，大班所謂設宴，其實淨係啲凍嘅三文治同果汁，簡直係離晒譜！
講開政改，民主派𠵱家差唔多一見面就傾，但係傾嚟傾去，都係覺得拋個方案出嚟未必好實際，就算搞到個方案出嚟，如果啪一聲俾政府扑冧，咁係咪又要掹多個新方案出嚟呢？
大狀黨嘅湯家驊就希望，民主派短期內搞啲集體行動，向市民重新宣示民主派爭取民主嘅立場，點樣審視政府提出嘅「主流」方案。
傳真︰2623-9278
電郵︰