行會闊太查史美倫，雖然離開咗中國證監會，但就仍然心繫祖國，最近捐咗七十萬美金畀美國耶魯大學，成立「史美倫獎學金」，專門資助喺耶魯攻讀MBA嘅中國大陸留學生。呢個獎學金每兩年頒發一次，每次頒畀一個學生，幫佢畀兩年MBA學費。
查太都幾鍾意搞獎學金，舊年初喺北京成立咗一個資助國內財經記者進修嘅獎學金。呢個獎學金原來取自「史美倫培訓基金」，查太係將佢做中國證監會副主席嘅大部份年薪，成立呢個基金，有此安排，係因為查太嘅薪水按照香港水平特批畀佢，所以高出其他同級副部長一大截，但喺中國官場打滾，容易招人話柄，查太搞培訓基金，一石二鳥，果然醒。
傳真︰2623-9278
電郵︰