英皇男子組合Boy'Z成員Kenny與Steven前晚於紅館演出慈善騷後便正式改組，Kenny將作個人發展，Steven則與英皇新人麥子豪繼續合組Boy'Z。前晚有歌迷因不捨Boy'Z改組而泣不成聲。
英皇男子組合Boy'Z前晚在紅館演出「博愛醫院屬校南亞海嘯孤兒賑災匯演」，是他們改組前的最後一次演出，Kenny與Steven都表現得相當感觸，依依不捨，合唱了《死性不改》、《男生圍》及《手足》等歌，歌迷們更上台伴唱，揮動螢光棒及送花給兩子，有歌迷更泣不成聲。
改組後，Steven會與英皇新人麥子豪繼續合組Boy'Z，Kenny將作個人發展。Kenny與Steven前晚強忍淚水演出，Kenny說：「呢個活動好有意思，係我哋最後一次一齊表演。經過三年時間，我哋一齊住、一齊做嘢，其間發生過好多事，我對住Steven多過屋企人，Boy'Z經歷咁多嘢，嚟緊我要一個人走我嘅路，大家一齊努力呀！」Steven則說：「多謝Kenny，一直以嚟大家都當我細路咁教我好多嘢，又照顧我好多，對住新成員，我唔知可唔可以照顧人。」Kenny又說：「多謝Steven，佢好有活力，帶我做好多嘢，我會永遠記得今晚嘅掌聲。」
前晚表演嘉賓還有譚詠麟（阿倫），他表示稍後將擔任無綫節目《殘酷一叮》嘉賓評判，對於有參賽女孩因被「叮」而離家出走，阿倫說：「估唔到咁大件事，父母本身都有責任，畀細路上去意欲何在？畀佢練大膽嘛，邊行冇壓力？呢個節目意向大家都知，係唔正常㗎，上去嘅人預咗要闖另一路線啦，好似夏金城咁，唔好覺得俾人『叮』好冇面。」阿倫謂他「叮」人的準則是看感覺，至於怕不怕被小朋友揶揄？阿倫說：「邊個寸我就攞籐條『弗』佢！」
此外，阿倫日前與李克勤、余文樂、黃伊汶及2R等於尖沙嘴出席藝能娛樂春茗，席間阿倫與克勤大派利是，阿倫還故意拉緋聞男女余文樂及黃伊汶合照，並向後輩訓話。
採訪：胡比 攝影：陳偉權
