馮德倫盼續《功夫》熱

馮德倫盼續《功夫》熱

昨日馮德倫和導演黃真真到浸會大學,擔任由香港影評人協會主辦的「第十屆金紫荊獎」前瞻座談會,並討論香港新浪潮電影。

青年缺群體生活
馮德倫說:「𠵱家啲年輕人只鍾意留喺屋企打機,完全缺乏群體生活,反而外國好多後生仔會喺星期六約埋一齊去睇戲。」
馮德倫又希望日後的電影能夠像《功夫》般掀熱潮,他說:「《功夫》呢套戲一出,個個人都去睇,好多人都會約埋成班朋友去睇,就好似變成一個節日一樣,如果之後嘅電影可以同《功夫》一樣引起咁多人注意,我相信香港電影一定可以返去八十年代最好嘅時候。」 採訪、攝影:李珮洳