美國前總統克林頓卸任多年，可能好多人唔記得佢任內有何豐功偉績，但佢被國會彈劾，以及雪茄同女人嘅事大家就一定會記得。人就係咁，人家啲好嘢未必記得，衰嘢就成日記住。講番克林頓，佢趁住去南亞睇災情，順道來港，宣傳佢本自傳《MyLife》聽日就會喺金鐘太古廣場KellyandWalshLtd.搞簽名會。當然你要先畀錢，喺辰衝、香港圖書文具及KellyandWalshLtd.買張「簽名會書券」連同收據，先至可以出席得到克仔簽名自傳一本。
大會話為咗令更多市民能夠參加呢次盛事，克林頓只會為每一位進場嘅顧客簽署一本自傳，亦唔會為顧客寫上任何個人稱號或祝福語。八方唔知會有幾多人出席，但如果希拉莉同來，一定更吸引。
傳真︰2623-9278
電郵︰