工業股近期愈來愈受歡迎，好似龍頭之一的建滔化工（148），近期股價顯著上揚，兼且陸續有外資大行出報告唱好。早在去年底推介建滔的經紀黃，話一早料到建滔會私有化依利安達（033），並會受到芬佬認同。
建滔上周五，因為獲美林大幅調高12個月目標價，由23元提高至30元，令股價抽上5％，收20.80元，創下歷史新高，成交股數198萬股，金額4025萬元。
經紀黃話，工業股搞親大型收購合併，一係就好掂，一係就好唔掂，似乎並無中間路線可言。一旦成功產生協同作用，好多時股價都可以大升，家陣有人估建滔收購依利安達係好掂嗰隻。
雖然建滔去年公布收購依利安達後批過一次股，但錢冇人會嫌多，有人估計，如果建滔股價繼續升，唔排除會有集資行動。
建滔於本周帶證券界人士北上睇廠，睇嚟稍後又會有報告出。
慕容小初