李克勤與梁詠琪（GiGi）日前以文藝界代表身份到北京出席《中華全國青年聯合會第九屆委員會》，二人獲頒委任狀成為第九屆委員，而同獲委任的陳慧琳則因事未能出席。今屆獲委任的委員共一百九十人，全是來自各界形象健康、對社會公益事務有貢獻的代表，航天界代表有楊利偉，體育界有姚明等。
克勤接受電話訪問時說：「因為年齡限於四十歲以下，小朋友又冇，所以合資格嘅得三億人。我係李再唐提名嘅，喺三億人中被選中，真係光宗耀祖。」問克勤可想得到傑青？他說：「諗都冇諗過，隨緣啦。」
GiGi表示自己能被委任感到十分榮幸，她說：「我覺得呢個委任同傑青都幾相似，之後我就要負起促進兩地青少年交流嘅使命。」其後克勤與GiGi在會場上遇見楊利偉，還如小fans般要求合照。