女子組合2R、何韻詩和吳浩康等前晚在理工大學賽馬會綜藝館，為「第十一屆理工大學建設及地政學院會歌唱比賽」擔任嘉賓，2R的Race穿短裙亮相，姊姊Rosanne亦以短袖衫示人，無懼冷風。
不過Race看來比前略肥，問到是否新年吃得太多，她否認說：「啲衫一早準備好，但係估唔到咁凍，其實我上身打咗底，下身又打底，睇嚟先肥咗。」
Race更表示不怕跳舞走光，因已做足防走光措施，她說：「我都唔怕仆親，平時喺屋企着住睡衣都換高跟鞋跳舞，練到唔仆低。」
此外，何韻詩新年放了一星期假，但卻病足一星期，年初三她在家開賭局，準備讓朋友發新年財，豈料她卻成大贏家。
採訪：胡比
攝影：葉君海