經濟發展及勞工局局長葉澍堃噚日竟然搵槍指住記者？話說八方噚日去咗「教育及職業博覽2005」嘅開幕禮，葉局長係主禮嘉賓，典禮完咗之後，佢就參觀展覽攤位。
葉局長貴人事忙，每個攤位睇睇就走，惟獨去到警務處嘅攤位，唔知係咪因為班差人用咪大大聲話歡迎佢，搞到葉局長唔好意思唔入去，加上個個差人都大大隻，局長入咗去都好難走返出嚟，所以佢最終留咗成五分鐘先走人。突然童心未泯嘅葉局長，忽然間攞起支冇子彈嘅雷明登，重指住八方成班記者行家，然後又問啲記者驚唔驚……八方心諗，好彩支槍冇子彈，如果唔係葉局長走火就大鑊！
（圖）葉澍堃（左）攞住支雷明登指向記者，重問班記者驚唔驚。
傳真︰2623-9278
電郵︰