名模Rosemary及周汶錡昨日往灣仔會展演出「羅浮宮非凡魅力婚紗Show」及「法國婚紗2005全新婚紗大滙演」。Rosemary早前透露會往巴黎行catwalk，昨日她說：「暫時有啲細節未傾好，因為我喺亞洲區都有好多工作，原本呢次計劃留兩個禮拜，但係嗰邊嘅agency要求我留成個月，重話有機會行YSL嘅騷，不過就冇錢收。我知喺巴黎好多女仔都願意免費行騷，但我喺亞洲發展咗咁耐，媽咪同我都有自己嘅立場，暫時重拉鋸緊。」
周汶錡則表示情人節及本周三的元宵佳節均在飛機上度過，她笑言十分渴望雞年行桃花運，她說：「我之前見到琦琦個B女嘅相，覺得佢好幸福。人生三部曲，拍拖、結婚同生仔，我連第一步都未有，真係要加把勁。」
採訪：林妙萍 攝影：陳偉權
