周星馳做賭聖做到街知巷聞，但咁耐以來都唔多聽聞佢喺呢方面嘅「真實戰績」，相反，大家周不時聽到彤叔鄭裕彤鋤大弟，或者去拉斯維加斯贏錢咁，就算早前同記者一齊搭火車去常平剪綵，彤叔成程車都係咁鋤弟，重贏咗錢㖭。
噚日，彤叔為自己有股權嘅崇光百貨，出席SOGOCLUB開幕禮，記者問佢新年有冇贏錢，鋤開二千蚊隻重會十三隻四炒其他人嘅彤叔，就好謙咁話：「贏咗少少咁啦！」
其實，除咗美國賭場同埋鋤弟，彤叔同李兆基、明嘉福夾份養嗰隻「黃鑽石」早排先贏完頭馬，加埋佢旗下創博數碼係咁意轉型做賭業，股價就係咁升，佢又點止贏少少呢？
（圖）鄭裕彤、周星馳。李潤芳攝
傳真︰2623-9278
電郵︰