外賣盆菜，近年成為市民的賀年菜式。有讀者向本報投訴，訂購外賣盆菜後，大年初一等候至晚上九時許仍未收到盆菜，最終只好與家人及親戚二十多人「捱罐頭」度歲，過了一個「難忘」的農曆新年。
「一家人坐埋一齊慶團年梗係開心啦，但冇諗到會俾間酒家『撬起』，明明訂咗年初一夜晚六點送盆菜嚟，過晒時間都未有，不斷打電話去催，佢就係咁話『嚟緊、嚟緊』，咁我哋梗係信佢啦，點知打到八點幾連電話都掛起唔聽，到九點幾先至話『內部有問題』嚟唔到，搞到大年初一嗰晚，連埋啲親戚成二十幾個人要捱罐頭。」
梁小姐氣憤地表示，早前在香港會議展覽中心的冬季美食節向「南苑盆菜專家」訂購兩盆傳統圍村盆菜，共值一千一百餘元，當時付了二百元定金，準備於農曆新年年初一與家人及親戚一起共進晚膳。
惟付定金後，酒家方面一直沒說有任何問題。直至送貨日，即大年初一，她多次致電催促，仍不得要領，職員一直推說：「嚟緊」，直至晚上九時許才知無法送貨，「如果佢早啲講話送唔到，我都可以去『斬料』吖！年初一食罐頭，自己都覺得好慘。重要成班親戚陪埋一齊捱罐頭，真係好過意唔去。」
梁小姐稱，雖然事後該酒家願意退回定金，卻令她一家人過了一個「難忘」的新年。
「南苑盆菜專家」負責人黎先生表示，年近歲晚共接獲近一千盆盆菜生意，大部份均妥善完成交易，相信上述情況僅屬個別事件。「有啲客人可能因為我哋送到去時太夜而話唔要，但我哋架車都可能已經去到佢樓下附近，但點都好，公司會退番定金，以示歉意。」
至於投訴人指「南苑盆菜專家」以「內部有問題」為由未能送貨，負責人則未有回應到底內部發生了甚麼問題。（○二一七○○一）
意見：寫明送貨時限免爭拗
消費者委員會發言人表示，店方可參考超級市場送貨做法，以口頭或書面形式指定送貨時限，若日後未有或延遲送貨，消費者可憑此作出追討。
發言人提醒消費者，光顧外賣盆菜前，宜選擇口碑較佳的店舖，及留意宣傳單張及收據上，是否有具體列明盆菜內各樣食物的種類及數量，避免事後出現爭拗。
服務熱線
電話：29908288
傳真：23702192
電郵：